Azərbaycan, Bakı, 12 oktyabr / Trend , müxbir Ü.İsmayılova/
Azərbaycanda qida məhsulları üçün Codex Alimentarius beynəlxalq standartı tətbiq ediləcək, Standartlaşdırma, Metrologiya və Patent üzrə Dövlət Komitəsinin Texniki Tənzimləmə və Standartlaşdırma şöbəsinin müdiri Sabiq Abdullayev bazar ertəsi deyib.
"Ölkənin Standartlaşdırma üzrə Dövlət Komitəsi yanında fəaliyyət göstərən qida üzrə texniki komitənin əsas məqsədi Codex Alimentarius-un tətbiqidir", - Abdullayev deyib.
Abdullayev həmçinin deyib ki, Azərbaycan üçün yeni standartın tətbiq edilməsi məqsədi ilə Dövlət Komitəsi Amerika Beynəlxalq İnkişaf Agentliyi ilə fəal əməkdaşlıq edir (USAİD).
6 ay ərzində bu standartın tətbiqi üçün prioritet fəliyyət planı hazırlayacaq ekspertlərin noyabrda Azərbaycana səfəri gözlənilir.
"Codex Alimentarius-un tətbiqinə başlanması 2010-cu ilə planlaşdırılıb", - Abdullayev deyib.
Məqalə müəllifi ilə əlaqə ünvanı: [email protected]