Azərbaycan, Bakı, 13 oktyabr / Trend , müxbir E.İsmayılov/
Koreyanın Pyunghwa Engineering Consultants Ltd şirkəti yeni Quba-Şamaxı avtomobil yolunun inşası layihəsinin reallaşdırılmasına hazırlıq işlərini başa çatdırıb, "Azəryolservis" ASC-nin başçısı Cavid Qurbanov çərşənbə axşamı deyib.
Bir müddət əvvəl Azərbaycan Prezidenti İlham Əliyev ölkədə magistral yolların inkişafı çərçivəsində 19 may 2008-ci ildə Azərbaycan Nəqliyyat Nazirliyi və Koreyanın Pyunghwa Engineering Consultants Ltd şirkəti arasında imzalanmış qarşılıqlı anlaşmaya dair memarandumu təsdiq edib. Memarandum texniki-iqtisadi əsaslandırmanın hazırlanması və Quba-Şamaxı avtomobil yollarının inşaatının işçi layihəsini nəzərdə tutur.
"Koreyalı mütəxəssislər avtomobil yollarının inşası layihəsini artıq hazırlayıblar və hazırda maliyyə mənbələri axtarılır. Layihənin reallaşması bundan asılıdılr", - Qurbanov deyib.
Bu yollar dağlıq və meşə sahələrindən keçib Quba (ölkənin şimalı) ilə Şamaxını (ölkənin şimal qərbi) birləşdirəcək. Bu da ölkənin bu regionlarının inkişafına təkan olmaqla yanaşı, turizm imkanlartının inkişafı üçün də şərait yaradacaq.
Avtomobil yollarının uzunluğu 105,4 kilometr təşkil edir. Bu, Şamaxı və Quba arasındakı məsafəni 150 kilometrdən çox qısaldır (hazırda bu yol 261 kilometrdir). Yeni avtomobil yollarının inşası layihəsi çərçivəsində ümumi uzunluğu 3,7 min metr olan 24 körpünün tikintisi planlaşdırılır.
Həmçinin uzunluğu 3,6 kilometr olan 3 tunelin inşası da nəzərdə tutulur.
Məqalə müəllifi ilə əlaqə ünvanı: [email protected]
