Azərbaycan, Bakı, 20 oktyabr / Trend , müxbir Ü.İsmayılova/
Azərbaycanda bu ilin yanvar-sentyabr aylarında 2,206 milyard manatlıq inşaat işləri görülüb. Bu barədə çərşənbə axşamı Dövlət Statistika Komitəsindən məlumat verilib.
Tikinti işlərinin ümumi həcmindən 248,2 milyon manat dövlət, 559,3 milyon manat isə özəl şirkətlərin payına düşüb.
Ümumi həcmdən 1485,9 milyon manat yeni tikililər, bərpa və genişləndirmə, 456,4 milyon manat (20,7 faiz) əsaslı təmir, 105,1 milyon manat (4,5 faiz) cari təmir, 159 milyon manat (7,2 faiz) digər tikinti işlərinə daxildir.
Bu müddət ərzində 1,629 milyon manat həcmində tikinti işləri özəl şirkətlər, 577 milyon manat həcmində tikinti işləri isə dövlət şirkətləri tərəfindən aparılıb.
Dövlət Statistika Komitəsinin məlumatına əsasən, yanvar-sentyabr aylarında tikinti sektoru işçilərinin aylıq orta əməkhaqqısı 448 manat, böyük və orta tikinti şirkətlərində isə 499,5 manat təşkil edib.
Məqalə müəllifi ilə əlaqə ünvanı: [email protected]
