Azərbaycan, Bakı, 20 oktyabr / Trend , müxbir Ü.İsmayılova/
Sentyabr ayıında Azərbaycanda kənd təsərrüfatı məhsullarının istehsalçı qiymətləri indeksi keçən ayla müqayisədə 2,2 faiz artıb. Yanvar-sentyabr aylarında isə otən ilin müvafiq dövrü ilə müqayisədə 1,1 faiz artıb. Bu barədə Dövlət Statistika Komitəsindən məlumat verilib.
Keçən ay bitkiçilik, bağçılıq və bostançılıq məhsullarının qiymətləri 4,3 faiz, o cümlədən dənli bitkilərdə və digər qruplarda qiymətlər 0,1 faiz artıb. Meyvə və qoz-fındığın qiymətlərində 5,3 faizlik azalma müşahidə edilib.
Sentyabr ayında heyvandarlıq və qaramal məhsullarının istehsalçı qiymətlər indeksində avqust ayı ilə müqayisədə 2,2 faizlik artım müşahidə olunub. Bu seqmentdə quş və toyuq yumurtası 14,7 faiz artıb, qaramal isə 3,7 faiz ucuzlaşıb.
Məqalə müəllifi ilə əlaqə ünvanı: [email protected]
