Azərbaycan, Bakı, 28 oktyabr / Trend /
2009-cu ilin yekunlarına görə, Azərbaycanda deflyasiya proqnozlaşdırılır. Lakin buna baxmayaraq, pensiyaların baza və sığorta hissəsinin indeksləşdirilməsi gözlənilmir. Bu barədə Dövlət Soslial Müdafiə Fondunun başçısı Səlim Müslümov çərşənbə günü deyib.
"İndeksləşmə aparılmayacaq, qanunvericiliyə uyğun olaraq, inflyasiya və deflyasiya zamanı pensiyalar indeksləşdirilməlidir, - Müslümov deyib. - Hazırkı şəraitdə bu proses pensiyaların azalması ilə müşayət edilə bilər, ona görə də deflyasiya zamanı indeksləşmə prosesi aparmaq məqsədəuyğun deyil".
Bununla əlaqədar olaraq, hazırda qanunda dəyişikliklər aparılır, bu dəyişikliklərə müvafiq olaraq, hər il ilin əvvəlində pensiyaların sığorta və baza hissəsinin yalnız artma istiqamətində indeksləşməsi aparılmalıdır.
"Bu tədbirlər pensiyaların azalmasının qarşısını almaq məqsədilə aparılır", - Müslümov deyib.
2008-ci ildə Azərbaycanda 547 min pensiyaçının pensiyaları indeksləşdirilib.
Fəaliyyətdə olan qanunvericiliyə müvafiq olaraq, hər bir ölkə vətəndaşının fərdi hesabında toplanan pensiya kapitalı da indeksləşdirilir.
Azərbaycanda pensiyaların sığorta hisəsinin indeksləşməsi üçün aylıq 3,2 milyon manat, illik isə 38,5 milyon manat tələb edilir.
Oktyabrın 28-nə olan rəsmi məzənnə 0,8033 AZN/USD təşkil edir.
