Azərbaycan, Bakı, 30 oktyabr / Trend , müxbir Ü.İsmayılova/
Sentyabrda Bakının torpaq bazarında qiymətlər 3,6 faiz ucuzlaşaraq 17,474 min dollardan 16,824 min dollara enib. Bu barədə cümə günü "Əmlak Bazarı İştirakçıları" İctimai Birliyindən məlumat verilib.
Qiymətlərin əhəmiyyətli dərəcədə enməsi Bakının Səbayıl rayonunda müşahidə edilib. Burada qiymətlər 10,3 faiz enib. Paytaxtın heç bir rayonunda qiymət artımı müşahidə olunmayıb.
Sentyabrda Bakının torpaq bazarında ən aktiv rayonlar Binəqədi və Nərimanov rayonları, ən passiv isə Nəsimi rayonu olub.
Sentyabrda ən bahalı torpaq sahələri sotu 250 min dollar olmaqla Bakının Yasamal rayonunda, ən ucuz torpaq sahəsi isə sotu 280 dollar olmaqla Abşeron rayonunda təklif edilib.
Ümumilikdə, sentyabrda bazarda 837,7 hektar torpaq sahəsi təklif edilib ki, bunun da 76,2 faizini boş ərazilər təşkil edib. Sentyabrda torpaq sahələrinin ekspozisiya müddəti 0,8 faiz - 239 günədək artıb.
Məqalə müəllifi ilə əlaqə ünvanı: [email protected]
