Azərbaycan, Bakı, 06 noyabr / Trend , müxbir E.İsmayılov, Ü.İsmayılova /
Azersun Holding Rusiyada çay istehsalı, konservləşdirilmiş meyvə üzrə bir sıra törəmə müəssisələr açmağı planlaşdırır, bu barədə holdinqin başçısı Abdulbari Gözal bildirib.
"Hazırda biz Azərbaycanda istehsal edilən çayı ixrac edirik, lakin hazır məhsulun Rusiyaya idxalına qoyulan yüksək vergi səbəbindən biz öz istehsalımızı bu ölkədə təşkil etməyə məcburuq", - Gözəl bildirib.
Onun sözlərinə əsasən, Krasnodar vilayətində çay çəkilərə ayrılması üzrə fabrikin inşasına başlanılması üçün bütün şərait yaradılıb, birinci mərhələdə min hektar torpaq sahəsi ayrılıb.
Azersun Holding-ə Moskvaətrafında müəssislərin yaradılması üzrə bir neçə variant təklif edilib, lakin torpaq sahələrinin bahalığı səbəbindən şirkət bundan imtina edib, bu barədə RF-nin Azərbaycandakı ticarət nümayəndəsi Yuri Şedrin bildirib. Eyni zamanda, Tula vilayəti və digər regionlar nəzərdən keçirilib.
"Biz Azərbaycan biznesinin Rusiya bazarına çıxışı üçün hər bir dəstəyi göstərməyə hazırıq", - Şedrin bildirib.
Azersun Holding artıq Azərbaycanda çay istehsalında, həmçinin ölkənin digər regionlarında kənd təsərrüfatı məhsullarının istehsalında ixtisaslaşır. Bu biznes Astara və Lənkəranda təşkil edilib.
Azersun Holding 1992-ci ildə yaradılıb. Holdinqin fəaliyyət sahələrini çayların, bitki yağlarının emalı və çəkilib-bükülməsi, ticarət və distribüterlik, inşaat, bank fəaliyyəti, ət və tərəvəz konservləri, şəkər və kağız-karton məmulatlarının istehsalı, yüklərin daşınması və saxlanması və s. təşkil edir.
Связаться с автором статьи можно по адресу [email protected]
