Azərbaycan, Bakı, 09 noyabr / Trend , müxbir N.İsmayılova/
Bakıda Azərbaycan-Sloveniya biznes forumu çərçivəsində maliyyə mühiti nümayəndələrinin görüşü olub. Tədbirdə Sloveniyanın iri şirkətlərinin rəhbərləri iştirak edib.
Sloveniyanın ST Hammer şirkətinin nümayəndəsi çıxışı zamanı bildirib ki, şirkət layihələrdə birgə investisiya yatırmanın imkanları barədə Azərbycan İnvestisiya Şirkəti və bütün maraqlı şəxslərlə danışıqlar aparmaq niyyətindərir. Şirkət, həmçinin Bakı Fond Birjasının fərdi kapitalında investisiyanın yatırılması məsələsində də maraqlıdır.
Sloveniya bankı SIT Bank öz növbəsində Azərbaycandan Sloveniyaya, həmçinin Sloveniyadan Azərbaycana ixrac edən şirkətləri dəstəkləmək niyyətindədir.
Sloveniyanın ən iri sənaye şirkəti olan Gorenje Azərbaycanda nümayəndəliyinin olmamasına görə Azərbaycan bazarına çıxış imkanlarını götür-qoy etmək, ölkədə topdan və pərakəndə satışlar həyata keçirmək niyyətindədir. Gorenje, həmçinin Bakının "Çinar" Soyuducu İstehsalı Zavodu kimi yerli məişət texnikası istehsal edən şirkətlərlə əməkdaşlıq yaratmaq niyyətindədir.
Məqalə müəllifi ilə əlaqə ünvanı: [email protected]
