Azərbaycan, Bakı, 14 noyabr / Trend /
ARDNŞ-ın Qaz Emalı Zavodu qaz emalını artırmaq niyyətindədir, müəssisənin rəhbəri Aqşin Paşayev şənbə günü deyib.
Onun sözlərinə görə, bu ilin oktyabr ayında qaz emalı həcmi 400 milyon kubmetrə yaxın olub. Lakin havaların soyumasına görə tələbatın artması ilə əlaqədar olaraq qaz emalının həcmi artırılacaq.
Emalın artırılmasına müəssisədə qaz tədarükü üzrə infrastrukturların modernlədirlməsi də kömək edəcək. Zavod iki növ qaz əldə edir: quyudan birbaşa alınan qaz və aşağı təzyiqli səmt qazı. Səmt qazı nasos stansiyalarında sıxılır. Əvəllər bu qaz bir boru kəməri üzrə tədarük edilirdi. Lakin hazırda onlar müxtəlif qaz kəmərləri üzrə tədarük edilir ki, bu da tədarük gücünün artırılmasına gətirib çıxarıb.
Hazırda qaz emalı zavodunun illik emal gücü 6 milyard kubmetr təşkil edir.
Azərbaycan qaz emalı zavodu 1961-ci ildə istismara verilib. 6 qaz emalı qurğusundan başqa, qaz-kondensat emalı qurğusu (illik 675 min ton gücündə) və qeyri stabil benzin qarışığı qurğusu quraşdırılıb (illik 600 min ton gücündə). Zavoddakı texnologiya maye qaz, ağ neft qarışığı (qaz emalı qurğusu üçün reagent), ağır kondensat (neft emalı zavodu üçün xammal) və qaz benzini (Sumqayıt neft-kimya kompleksi üçün xammal) almaq mümkündür.