Azərbaycan, Bakı, 23 noyabr / Trend , müxbir Ü.İsmayılova/
Azərbaycan Beynəlxalq Bankı (ABB) Royal Bank of Scotland bankından 50 milyon dollaradək kredit cəlb edib. Bu barədə ABB-nin İdarə Heyətinin sədri Cahangir Hacıyev bazar ertəsi bildirib.
"Digər tərəfdən biz bu banka illik qısamüddətli və likvid vasitələr yerləşdiririk, - Hacıyev deyib. - Şotlandiya bankı həmçinin ABB əməkdaşlarının Londonda Royal Bank of Scotland-da təcrübə keçməsi üzrə proqramın realizəsinə də başlayıb.
Onun sözlərinə görə, Şotlandiya bankının baş xəzinədarı hazırda Bakıdadır. "Bizim bankla müxtəlif sahələrdə əməkdaşlıq proqramımız var. Bu bank hökumətlə əlaqəlidir və bizim onunla yaxşı qarşılıqlı əlaqələrimiz var", - Hacıyev deyib.
Məqalə müəllifi ilə əlaqə ünvanı: [email protected]
