Azərbaycan, Bakı, 23 dekabr / Trend , müxbir Ü.İsmayılova/
Sığortaçılar istehsalatda bədbəxt hadisələrdən icbari sığorta xidmətlərinin göstərilməsinə dair icazə sənədinin alınması üçün Maliyyə Nazirliyinin Dövlət Sığorta Nəzarəti Xidmətinə müraciət etməlidirlər. Bunu cümə axşamı dövlət xidməti rəhbərinin müavini Mahir Abdullayev deyib.
"Bu icbari sığortanın yeni növüdür və bunun üçün xüsusi icazə alınmalıdır", - Abdullayev deyib.
Onun sözlərinə görə, xüsusi icazə alan bütün sığortaçılar sığortanın bu növü üzrə fəaliyyət göstərəcəklər.
İcbari sığortanın yeni növünün tətbiq edilməsi zamanı yarana biləcək problemlərdən danışan Abdullayev deyib ki, sığortaçıların bənzər xidmətlər göstərməkdə təcrübələri olduğu üçün problemlər olmayacaq.
Abdullayev həmçinin deyib ki, yeni sığorta növünün tətbiqi sığortaçıların haqlarının artmasına yardım edəcək.
Azərbaycan Respublikası Maliyyə Nazirliyinin Dövlət Sığorta Nəzarəti Xidməti "İstehsalatda bədbəxt hadisələrdən və peşə xəstəlikləri nəticəsində əmək qabiliyyətinin itirilməsindən icbari sığorta haqqında" qanun layihəsində nəzərdə tutulumuş sığorta tariflərinin yuxarı dərəcəsinin iki faizədək olması ilə razılaşmır. Bu barədə xidmətin rəhbəri Namiq Xəlilov bir müddət əvvəl demişdi. Qanun layihəsi ötən çərşənbə axşamı ölkə parlamentində ilk oxunuşda qəbul edilib.
"Birincisi, bu sığorta tarifləri deyil, sığorta tariflərinin yuxarı dərəcəsi tamamilə çatmır. Bizim hesablamalarımıza görə, tarif 1 faizdən başlayacaq", - Xəlilov deyib.
Onun sözlərinə görə, risklərin kateqoriyasından asılı olaraq tarif artacaq, lakin istənilən halda 2 faizədək deyil.
Azərbaycanda 28 sığorta və 1 təkrar sığorta şirkəti fəaliyyət göstərir. Yanvar-oktyabr aylarının yekunu üzrə şirkətin haqları 42,09 milyon manatlıq ödəmələrlə 138,41 milyon manat təşkil edib.
