Azərbaycan, Bakı, 19 yanvar/ Trend , Ü.İsmayılova/
Başak-İnam - Azərbaycan-Türkiyə birgə sığorta və təkrarsığorta şirkətinin haqları 1,115 milyon manatlıq ödəmələrlə 2,444 milyon manat təşkil edib, şirkətdən çərşənbə axşamı yayılan məlumatda deyilir.
2008-ci ilin fəaliyyət yekunları üzrə şirkət 3,04 milyon manatlıq haqq yığıb və 1,76 milyon manatlıq ödəmələr həyata keçirib.
Bu dövr ərzində şirkətin təkrarasığorta üzrə haqları 14,59 min manatlıq ödəmələrlə 14, 382 min manat təşkil edib.
Şirkətin KASKO üzrə haqları 568,833 min manatlıq ödəmələrlə 896,79 min manat təşkil edib (təkrarsığorta üzrə 23,662 min manat). Yanğından sığorta üzrə haqları 154,989 min manatlıq ödəmələrlə 641,953 min manat təşkil edib (təkrarsığorta üzrə 382,51 min manat).
Bədbəxt hadisələrdən və xəstəliklərdən sığorta üzrə haqlar bu dövr ərzində 43,418 min manatlıq ödəmələrlə 374,132 min manat təşkil edib (təkrarsığorta üzrə 382,51 min manat).
Başak-İnam Sığorta şirkətinin xarici səhmdarı Türkiyənin Groupama Sigorta AŞ şirkətidir. 1996-cı ildən fəaliyyət göstərən Başak-İnam Sığorta Şirkəti 31 növdə sığorta xidməti göstərir. Şirkətin nizamnamə kapitalı keçən ilin may ayından iki milyon manatadək artırılıb.
Yanvarın 19-na olan rəsmi məzənnə 0,8030 AZN/USD təşkil edir.
