Azərbaycan, Bakı, 22 yanvar / Trend , müxbir N.İsmayılova/
Dekabr ayında Azərbaycanda "Regionların inkişafına investisiya" adlı qeyri-bank kredit təşkilatı vergi orqanlarında qeydiyyatdan keçib. Bu barədə ölkənin Vergilər Nazirliyinin rəsmi saytının "vahid pəncərə" bölməsində məlumat verilib.
Təşkilatın təsisçisi "Regionların inkişafına dəstək" İctimai Birliyi olub. Təşkilat 2009-cu il dekabrın 17-də 1000 manatlıq nizamnamə kapitalı ilə dövlət qeydiyyatından keçib. Şirkətin təsisçisi Pəri Musayevadır.
Mərkəzi Bankın məlumatına görə, ölkədə ötən ilin üçüncü rübünün sonuna 98 qeyri-bank kredit təşkilatı fəaliyyət göstərib. Onlardan 79-u kredit ittifaqları, 18-i isə beynəlxalq humanitar təşkilatlarının hesabına maliyyələşən kredit təşkilatlarıdır. Biri isə qeyri-bank kredit təşkilatının digər növünə aiddir.
