Azərbaycan, Bakı, 11 fevral / Trend , müxbir N.İsmayılova/
Qiymətli Kağızlar üzrə Dövlət Komitəsi "İnvestiya fondları haqqında" və "Təmin edilmiş istiqrazlar haqqında" qanun layihələri üzərindəki işləri başa çatdırıb. Bunu Qiymətli Kağızlar üzrə Dövlət Komitəsinin sədri Rüfət Aslanlı çərşənbə axşamı deyib.
"İnvestisiya fondları haqqında" qanun layihəsinin hökumətdə müzakirəsi başa çatıb və Prezident Administrasiyasına təqdim edilib, - Aslanlı deyib. - İlin əvvəlində biz onlarla məsləhətləşmələrə başlamışıq və bir neçə həftə müddətində başa çatdırmağı planlaşdırırıq. Ümid edirik ki, qanun layihəsi bu il ölkə parlamentinə təqdim ediləcək".
Qanun layihəsində investisiya fondları sahəsində fəaliyyətdə olan mexanizmlərin maksimum liberallaşdırlması nəzərdə tutulur. Dünyada müxtəlif fondlar mövcuddur - investisiya fondu, qarşılıqlı fond, pay fondu, risk fondu. Dövlət komitəsi isə Azərbaycanda çoxfunksiyalı ümumi fond yaratmağı təklif edib.
Lakin dünya proseslərini nəzərə alaraq, investisiya fondu maliyyə bazarlarında daha aktiv fəaliyyət göstərir. Buna görə də tənzimləyici çərçivədə onların fəaliyyətinə müəyyən formada dəyişikliklər etmək lazımdır.
Bu qanun layihəsi 2008-ci ildə, dünyanın maliyyə bazarlarında güclü böhranın olduğu dövrdə yaradılıb. Lakin yerli ekspertlərin və onun hazırlanmasında iştirak edən xarici mütəxəssislərin tövsiyələri ilə layihə yeni çağırışlar nəzərə alınmaqla yenilənib.
Aslanovun sözlərinə görə, Dünya Bankı keçən ilin sonunda "Təmin edilmiş istiqrazlar haqqında" qanun layihəsi üzrə son tövsiyələrini verib.
"Ümid edirik ki, rüb ərzində qanunun son variantı üzərindəki işləri başa çatdıracağıq", - Aslanlı deyib.
