Azərbaycan, Bakı, 27 fevral / Trend , müxbir Ü.İsmayılova/
Azərbaycan Əmlak Məsələləri Dövlət Komitəsi Seki Kimyevi Temizleme, Sabirabad Yem zavodu, Yevlax tikinti servis, Agdam Dezgahqayirma zavodu, Zeyem senaye istehsal səhmdar cəmiyyətlərinin əmək kollektivləri arasında səhmlərə qapalı abunə yazılışı elan edib. Bu barədə şənbə günü Dövlət Komitəsindən məlumat verilib.
Seki Kimyevi Temizleme-nin nizamnamə kapitalı 51,462 milyon manat, buraxılan səhmlərin ümumi sayı 25731 ədəd təşkil edir. Onlardan 3860-ı güzəştli satışa çıxarılıb. Bir səhmin nominal dəyəri iki manat təşkil edir.
Sabirabad Yem zavodu-nun nizamnamə kapitalı 51,794 milyon manat, buraxılan səhmlərin ümumi sayı 25897 ədəd təşkil edir. Onlardan 3885-i güzəştli satışa çıxarılıb. Bir səhmin nominal dəyəri iki manat təşkil edir.
Yevlax tikinti servis-in nizamnamə kapitalı 9,012 milyon manat, buraxılan səhmlərin ümumi sayı 4506 ədəd təşkil edir. Onlardan 676-ı güzəştli satışa çıxarılıb. Bir səhmin nominal dəyəri iki manat təşkil edir.
Agdam Dezgahqayirma zavodu-nun nizamnamə kapitalı 62,02 milyon manat, buraxılan səhmlərin ümumi sayı 31010 ədəd təşkil edir. Onlardan 4651-i güzəştli satışa çıxarılıb. Bir səhmin nominal dəyəri iki manat təşkil edir.
Zeyem senaye istehsal-ın nizamnamə kapitalı 59,236 milyon manat, buraxılan səhmlərin ümumi sayı 29618 ədəd təşkil edir. Onlardan 4443-ü güzəştli satışa çıxarılıb. Bir səhmin nominal dəyəri iki manat təşkil edir.
Səhmlərin güzəştli satışı üçün ərizələr martın 29-dan aprelin 21-dək müəssisələrdə fəaliyyət göstərən özəlləşdirmə komissiyaları tərəfindən qəbul olunur. Qapalı abunənin yekunları aprelin 22-də iştirakçıların ümumi toplantısında təsdiqlənəcək. Güzəştli satışın yekun sənədləri Hərrac Mərkəzinə təqdim olunmalıdır. Güzəştli satış zamanı yeganə ödəniş vasitəsi özəlləşdirmə çekləridir.
Fevralın 27-nə olan rəsmi məzənnə 0,8034 AZN/USD təşkil edir.
