Azərbaycan, Bakı, 3 mart / Trend , müxbir H.İsmayılova/
Azərbaycan Nəqliyyat Nazirliyinin "Azəryolservis" ASC Asiya İnkişaf Bankının (AİB) kənd yollarının bərpasına dair layihəsi çərçivəsində Nərimankənd - Bünyadabad və M2 (Bakı-Rusiya sərhəddi magistralının 287 kilometri) - Nemətabad avtomobil yollarınn yenidən qurulması və bərpası üzrə tender elan edib. Bu barədə Nəqliyyat Nazirliyinin məlumatında bildirilir.
Avtomobil yolunun hər hissəsinin uzunluğu 2,1 km., layihələndirilən sahə 4,2 km. təşkil edir. Hər iki avtomobil yolu Yevlax rayonunda yerləşir.
Maraqlanan şəxslər Azəryolservis-dən əlavə məlumat və tender sənədlərini ala bilər. Ünvan: Bakı, Üzeyir Hacıbəyov küçəsi, 72/4. Əlaqə telefonu (+994 12) 493-00-45, факс: (+994 12) 493-46-65, E-mail: [email protected].
Sənədlər ingilis dilində təqdim olunmalıdır. Tenderdə iştirakın dəyəri 150 manat təşkil edir. Tender təklifləri 2010-cu il aprelin 5-i saat 17:00-a kimi yuxarıda göstərilən ünvanda qəbul ediləcək. Təkliflər 30 min manat həcmində tender zəmanəti ilə müşayiət olunmalıdır.