Azərbaycan, Bakı, 04 mart / Trend , müxbir Ü.İsmayılova/
Fevralda Azərbaycanın ilkin mənzil bazarında və tikinti materialları bazarında artım müşahidə olunub. Bu barədə "MBA Group" konsaltinq şirkətinin baş direktoru Nüsrət İbrahimov cümə axşamı deyib.
"Fevralda ilkin mənzil bazarında qiymətlər 0,6 faiz artıb, illik hesabla isə 11,5 faiz azalıb. Fevralda tikinti materialları bazarında qiymətlər 0,2 faiz, il ərzində isə 6,7 faiz artıb", - İbrahimov deyib.
Onun sözlərinə görə, bazarın bu iki seqmentində qiymətlərin cüzi miqdarda artmasına görə bazarın orta qiymətlərində dəyişiklik və aktivlik müşahidə olunmayıb.
İbrahimov həmçinin deyib ki, fevralda ilkin mənzil bazarında qiymətlər 3,7 faiz, il ərzində isə 24,5 faiz aşağı düşüb. Fevral ayında torpaq sahələrinin qiyməti 1,5 faiz, il ərzində isə 19,2 faiz aşağı düşüb. Ticarət obyektlərinin qiyməti fevral ayında 1,04 faiz, il ərzində isə 10,1 faiz aşağı düşüb.
Bununla da, ekspertin sözlərinə görə, fevral ayında Bakıda torpağın bir sotunun qiyməti 16,896 min dollar, ilkin mənzillərin bir kvadratmetrinin qiyməti 805 dollar, təkrar mənzillərin kvadratmetri 1366 dollar, ticarət obyektlərinin isə 3437 dollar təşkil edib.