Azərbaycan, Bakı, 9 mart / Trend , müxbir Ü.İsmayılova/
Yanvarda Bakının torpaq bazarında orta qiymət hər sota görə 2,1% dollar azalaraq, 14 769 dollar təşkil edib. 2009-cu ilin dekabrında bu göstərici 15 086 dollar olub. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat verilib.
Ay ərzində torpaq sahələrinin ekspozisiya müddəti 0,8 faiz artaraq 247 gün olub.
Yanvarda ən baha qiymətə torpaq sahəsi Nərimanov rayonunda təklif olunub - bir sotu 190 min dollar. Ən ucuz qiymətə torpaq sahəsi isə Bakının Abşeron rayonunda təklif olunub - bir sotu 350 dollar.
Ümumi cədvəl yanvarda Bakı şəhərinin zonalar üzrə torpaq sahələrinin qiymətinin dəyişməsini göstərir.
Şəhərin zonası |
Yanvarda bir sotun qiyməti (dollarla) |
Faizlər üzrə qiymətin orta dəyişkənliyi |
I |
173651 |
-0,9 |
II |
98014 |
-1,1 |
III |
19345 |
-2,6 |
IV |
3816 |
-3,1 |
Ümumilikdə, bazarda 808,1 hektar torpaq sahəsi təklif olunub ki, bunun 76,9 faizini boş torpaq sahələri təşkil edib.