Azərbaycan, Bakı, 18 mart / Trend , müxbir N.İsmayılova/
Azərbaycan bankı Express Bank 2010-cu ildə nizamnamə kapitalını 35 milyon manat artırmağı planlaşdırır. Bunu bankın idarə heyətinin sədri Emin Məmmədov deyib.
"Ötən il biz nizamnamə kapitalını 25 milyona çatdırdıq. Bu il isə əlavə 35 milyon manat həcmində emissiyanı planlaşdırırıq", - Məmmədov bildirib.
Onun sözlərinə görə, bankın əsas məqsədi müştərilərə çevik və keyfiyyətli xidmət göstərməkdir. Həmçinin, bank pərakəndə xidmət sahəsində bazarın əsas lider bankları ilə rəqabətə girmək niyyətindədir.
Əvvəllər Azərnəqliyyatbank adlanan Express Bank 1989-cu ildə kommersiya bankı kimi təsis edilib. 2005-ci ildə bank ASC-yə çevrilib.
Martın 18-nə olan rəsmi məzənnə 0,8033 AZN/USD təşkil edir.
