Azərbaycan, Bakı, 5 aprel /Trend, müxbir N.İsmayılova/
Gəncə Bank 2010-cu ildə özünün Bakı şöbəsini filiala çevirməyi planlaşdırır. Bu barədə bazar ertəsi bankdan bildiriblər.
"Bankın 2010-cu ilin fəaliyyət planına müştərilərə daha geniş xidmət göstərilməsi məqsədi ilə Bakıdakı şöbənin filiala çevrilməsi daxildir", - bankdan bildiriblər.
"Hazırda şöbələrdə bu xidmətlər göstərilir: pul köçürmələrinin həyata keçirilməsi və hesabların açılması, lakin hələlik kreditlərin verilməsi mümkün deyil", - bankdan bildiriblər. Bank Mərkəzi Banka rəsmi müraciət hələlik göndərilməyib.
"Bankın planına həmçinin cari il ərzində ölkə regionlarında iki filialının açılması daxildir", - bankdan deyilib.
Gəncə Bank 1994-cü ildən fəaliyyət göstərir. Bankın baş ofisi Gəncədə yerləşir. Bankın nizamnamə kapitalı 15 milyon manat təşkil edir. Hazırda ölkədə bankın 4 filalı - Gəncə (2 filial), Şəmkir və Bərdədə fəaliyyət göstərir.
Aprelin 5-nə olan rəsmi məzənnə 0,8034 AZN/USD təşkil edir.
