Azərbaycan, Bakı, 13 aprel /Trend, müxbir N.İsmayılova/
Büdcə stabilliyi baxımından tezliklə suveren avroistiqrazların yerləşdirilməsinə zərurət yoxdur. Azərbaycanın Qiymətli Kağızlar üzrə Dövlət Komitəsinin rəhbəri Rüfət Aslanlı belə hesab edir.
"Lakin digər tərəfdən bu, aşağı faizlə xarici resursların cəlb edilməsində Azərbaycanın iri şirkətlərinə kömək edə bilər, bununla bağlı avrobondların buraxılışı alqışlanır", - Aslanlı çərşənbə axşamı deyib.
Onun sözlərinə görə, hazırda bu istiqamətdə işlər davam etdirilir.
Azərbaycan Maliyyə Nazirliyi 500 milyon manat həcmdə avroistiqrazların debüt buraxılışı planı barədə bildirib, lakin qlobal maliyyə böhranına görə təxirə salınıb. Dövlətin ardınca Azərbaycan Beynəlxalq Bankı, Unibank və Standard Bank avrobondların yerləşdirilməsinə dair öz planlarını təxirə salıblar.