Azərbaycan, Bakı, 14 aprel /Trend, müxbir İ.Xəlilova/
Böhran dövründə Azərbaycanın bank bazarında kəmiyyət dəyişikliyinə əl atmaq səmərəsizdir. Bunu Azərbaycan Mərkəzi Bankı (AMB) idarə heyətinin sədri Elman Rüstəmov deyib.
"Böhran şəraitində bankların kəmiyyətinin azaldılması aktual deyil. Belə ki, bu son dərəcə prinsipial mövzudur və bu istiqamətdə istənilən hərəkət ölkənin bank bazarının stabilliyinə təsir edə bilər", - Rüstəmov deyib.
Bu amilləri nəzərə alaraq, Mərkəzi Bankın bu cür planı yoxdur, və "biz bankları bağlamaq niyyətində deyilik, bazarda stabilliyə dəstək vermək niyyətindəyik".
"Dünya maliyyə sistemindəki qeyri-stabillik dövründə Mərkzi Bank bu cür ciddi hərəkətə əl atmayacaq və biz Azərbaycan Mərkəzi Bankını ciddi struktur hesab edirik", - Rüstəmov deyib.
Hazırda ölkənin 47 bankı arasında cəmi 15-120 sistem əmələgətirən bank var. Beynəlxalq Maliyyə Təşkilatı, həmçinin, Azərbaycan banklarının səhm kapitalında iştirak payı əldə etməyə maraq göstərirlər.
Ölkənin bank sistemi Avropa Yenidənqurma və İnkişaf Bankının iştirakı ilə bankların birləşməsində uğurlu təcrübəyə malikdir. Hazırkı "UniBank" 2002-ci ildə iki kommersiya bankının - MBank və "Promtexbank"ın birləşməsi nəticəsində yaranıb.
2010-cu il mart ayının 1-nə olan məlumata görə, ölkənin bank sektorunun ümumi aktivləri 11,57 milyard dollar təşkil edib ki, bu da fevralın əvvəlinə olan göstəriciyə nisbətən 0,2 faiz az, ilin əvvəlinə olan göstəriciyə nisbətdə isə 4,8 faiz azdır. Bankların investisiya yatırması fevral ayı ərzində 0,2 faiz artaraq 853,31 milyon manat, müştərilərə verilən kreditlər 7873,4 milyon manat (1,2 faiz aşağı düşmə) təşkil edib. Ölkənin maliyyə sektoruna ayrılmış kredit və depozitlərin həcmi 0,3 faiz azalaraq 532,06 milyon manat təşkil edib.
2010-cu il mart ayının 1-nə olan məlumata görə, Azərbaycan banklarının birgə öhdəlikləri fevral ayı ərzində 0,3 faiz azalaraq 9,57 milyard manat təşkil edib. Onlardan 4208,94 milyon manatı depozitlərin payına, 4576,9 milyon manatı isə maliyyə bazarından alınmış kredit və depozitlərin payına düşüb.
