...

Azərbaycan Nəqliyyat Nazirliyi QİƏT ölkələri nəqliyyat nazirlərinin iclasında iştirak edəcək

Biznes və iqtisadiyyat xəbərləri Materials 14 Aprel 2010 18:11 (UTC +04:00)

Azərbaycan, Bakı, 14 aprel /Trend/

Azərbaycan Nəqliyyat Nazirliyi aprelin 15-də Sofiyada (Bolqarıstan) Qara dəniz İqtisadi Əməkdaşlıq Təşkilatı (QİƏT) ölkələrinin nəqliyyat nazirlərinin iclasında iştirak edəcək. Bu barədə Azərbaycan Nəqliyyat Nazirliyinin çərşənbə günü yayılan məlumatında deyilir.

Bir gün əvvəl - aprelin 14-də qarşıdakı iclasa hazırlıq məqsədi ilə ekspertlər səviyyəsində müşavirə keçiriləcək. Müşavirənin keçirilməsində əsas məqsəd nazirlərin iclasda yekun sənəd qismində qəbul edəcəyi "QİƏT regionunda nəqliyyat sahəsində əməkdaşlığın gücləndirilməsi haqqında Sofiya Birgə Bəyannaməsi"nin hazırlanmasıdır.

Azərbaycan Nəqliyyat Nazirliyini iclasda nazirliyin Aparat rəhbəri Cavid Nəcəfovun rəhbərlik etdiyi nümayəndə heyəti təmsil edəcək. Tədbirdə ekspert qismində "Avtonəqliyyatservis" Departamentinin Baş Nəqliyyat Müfəttişliyi İdarəsinin rəis müavini Yaqub Novruzəliyev də iştirak edəcək.

Xəbər lenti

Xəbər lenti