Azərbaycan, Bakı, 21 aprel /Trend, müxbir Ü.İsmayılova/
Martda Bakının ilkin yaşayış bazarında 434 binanın inşası davam etdirilib. Fevralda bu göstərici 426 təşkil edib. Bu barədə çərşənbə günü "Əmlak Bazarı İştirakçıları" İctimai Birliyindən məlumat verilib. Tikinti işləri 150 tikinti şirkəti tərəfindən aparılıb.
Mart ayı ərzində üç binanın inşası başa çatıb.
Martda yeni tikililərin böyük hissəsi Bakının Yasamal, Xətai və Nəsimi rayonlarında inşa edilib. Bu da bazarın portfelinin 66,1 faizini təşkil edir.
Fevralda Bakının daşınmaz əmlak bazarında ilkin mənzillərin 1 kvadratmetrinin qiyməti 0,3 faiz ucuzlaşaraq 880 dollar təşkil edib. Əsas ucuzlaşma Bakının Xətai rayonunda müşahidə olunub.
Martda Bakının ilkin bazarında mənzillərin orta sahəsi 121,9 kvadratmetr təşkil edib. Fevralda bu göstərici 121,6 kvadratmetr təşkil edib. Ota blok göstəricisi 2,4, orta mərtəbə göstəricisi isə 15,2 təşkil edib.
