Azərbaycan, Bakı, 11 may /Trend, müxbir Ü.İsmayılova /
Azərbaycanın Nazirlər Kabineti Dövlət Sosial Müdafiə Fondunun (DSMF) kollegiyasının tərkibini təsdiqləyib.
Kollegiyanın yeni tərkibi DSMF-nin təklifi əsasında təsdiqlənib.
Sosial Fondun kollegiyasının sədri fondun rəhbəri Səlim Müslümov təsdiqlənib. Həmçinin, kollegiyanın tərkibinə fondun sədr müavinləri Zakir Babayev və Elman Mehdiyev, aparat rəhbəri Acar Cəbiyev, maliyyə-büdcə şöbəsinin rəhbəri İdris İsayev, hərbi qulluqçularla və xüsusi rütbələri olan şəxslərlə iş üzrə departamentin direktoru Çingiz Əliyev, DSMF-in Naxçıvan MR-dəki idarəsinin rəhbəri Rasim Hüseynov təyin ediliblər.
Azərbaycan Nazirlər Kabinetinin qərarı imzalandığı gündən - mayın 6-dan qüvvəyə minib.