Azərbaycan, Bakı, 24 may /Trend, müxbir Ü.İsmayılova/
Azərbaycanın sığorta şirkəti "A-Qroup" uzunmüddətli inkişaf proqramı çərçivəsində növbəti dəfə nizamnamə kapitalını artırıb. Bu barədə şirkətin bazar ertəsi yaydığı məlumatda dehilir.
"A-Qroup" şirkətinin nizamnamə kapitalı hazırkı 1,55 milyon manatdan 2,65 milyon manatadək artırılıb", - məlumatda deyilir.
"A-Qroup" sığorta şirkətinin inkişaf proqramı bu göstəricinin gələcəkdə artırılmasını nəzərdə tutur. Nizamnamə kapitalının növbəti artımı cari ildə əldə olunan gəlirlərin hesabına həyata keçiriləcək.
Eləcə də şirkətdə "Baker Tilly Azerbaijan" müstəqil auditor şirkəti tərəfindən aparılan auditor yoxlamaları başa çatıb. 2010-cu ildə şirkət, sığorta şirkətinin ISO beynəlxalq keyfiyyət standartlarına uyğunluğunu təsdiqləyib.
Dörd ay ərzində "A-Qroup"un topladığı sığorta haqlarının həcmi 4 216 620 manat təşkil edib ki, bu da 2009-cu il ərzində əldə olunan nəticələri 10,5 faiz üstələyir. Ənənəvi olaraq "A-Qroup"a ümumi daxilolmaların əsas hissəsi könüllü tibbi sığortanın payına düşür.
"A-Qroup" sığorta şirkəti sığortanın üç icbari, 14 könüllü növü üzrə xidmət göstərir.
