Azərbaycan, Bakı, 29 may / Trend , müxbir N.İsmayılova/
2009-cu il mayın 1-nə depozitlər üzrə orta faiz dərəcəsi manatla 11,87 faiz təşkil edib. Aprelin 1-nə bu göstərici 11,40 faiz, 2009-cu il mayın 1-nə 11,59 faiz təşkil edib. Bu barədə Azərbaycan Mərkəzi Bankından məlumat verilib.
Depozitlər üzrə orta faiz dərəcəsi xarici valyuta ilə müvafiq olaraq 11,09 faiz, 11,84 faizə nisbətdə 11,10 faizə bərabər olub.
Mayın 1-nə fiziki şəxslərin depozitləri üzrə orta faiz dərəcələri manatla 12,17 faiz təşkil edib. Aprelin 1-nə bu rəqəm 13,09 faiz, 2009-cu il mayın əvvəlinə isə 12,42 faiz olub. Fərdi müştərilərin depozitləri üzrə faiz dərəcələri xarici valyuta ilə müvafiq olaraq 12,45 faiz, 12,58 faiz və 12,51 faiz təşkil edib.
Mayın əvvəlinə hüquqi şəxslərin depozitləri üzrə orta faiz dərəcəsi manatla 4,93 faiz, aprelin 1-nə 5,36 faiz, 2009-cu il mayın 1-nə 9,49 faiz təşkil edib. Korporativ müştərilərin depozitləri üzrə xarici valyuta ilə orta faiz dərəcələri müvafiq olaraq 6,04 faiz, 5,88 faiz və 6,4 faiz olub.
