Аzərbaycan, Bakı, 17 iyun /Trend/
Azərbaycan bankı "Amrahbank" kredit məhsulları növlərini genişləndirmək strategiyası çərçivəsində qızıl və qızıl məmulatlarını girov götürmək şərti ilə mikrokreditlərin verilməsinə başlayıb, - bankdan verilən məlumatda deyilir.
Mikrokredit 18 ay müddətinə ildə 30-32 faiz ödəmək şərti ilə verilir. Kreditin maksimal məbləği 5 min manatdır. Kreditlər həm manatla, həm də dollarla verilir.
Bankdan verilən məlumatda bildirilir ki, bu kredit xırda və orta müştəri qruplarına aiddir.
1993-cü ildə təsis edilmiş "Amrahbank" Azərbaycanın ilk və aparıcı kommersiya banklarından biridir. Bank korporativ müştərilərinə və fiziki şəxslərə müxtəlif bank xidmətləri, o cümlədən, əmanətlərin yerləşdirilməsi, kreditlərin verilməsi, pulköçürmələri, sənədli əməliyyatlar, investisiyalar üzrə məsləhətçilik xidmətləri və s. təqdim edir. Bankın ümumi kapitalı 12 milyon manata çatıb.