Azərbaycan, Bakı, 18 iyun /Trend/
İyunun 1-nə olan məlumata görə, Azərbaycan bankı Texnikabankın ümumi gəliri 27,76 milyon manat təşkil edib. Bundan 20,58 milyon manat faizli, 7,2 mln manat isə faizsiz gəlirin payına düşür. Bu barədə bankın məlumatında deyilir.
Mayın sonuna bankın xalis gəliri 1,65 milyon manat, ümumi kapitalı isə 59,26 milyon manat təşkil edib. Bankın nizamnamə kapitalı 53,69 artaraq 41,7 milyon manata çatıb.
Texnikabankın aktivlərinin həcmi 466,8 milyon manata çatıb.
İlin əvvəlindən etibarən depozit portfelin artımı 6,1 faiz olub və mayın sonuna olan məlumata görə, portfelin həcmi ilin sonunadək 194,63 milyon manata çatıb. İlin əvvəli ilə müqayisədə əhalinin əmanətlərinin həcmi ilin sonunda 126,02 milyon manata çatacaq.
Hesabat dövrünün sonuna bankın kredit portfelinin həcmi 318,57 milyon manat təşkil edəcək ki, bu da ilin əvvəlindəki göstəricidən 9,5 faiz azdır. Bankın istehlakçı kreditlərinin portfeli 37,5 milyon manat olub.
Bankın hesabat dövründə buraxdığı plastik kartların sayı 45 277 ədəd olub. İlin sonunadək plastik kart sahiblərinin sərəncamında 58 bankomat və 350 POS-terminal olacaq.
Texnikabank bank bazarında 1993-cü ildən fəaliyyət göstərir və 2007-ci ilədək 100 faiz Azərbaycan bankı olub.
Bu gün bankın majoritar səhmdarı səhmlərin 75 faizinə sahib olan World Wines şirkətidir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın "Kazimir Investment Caspian Fund" şirkəti isə 10 faizinə nəzarət edir.