Azərbaycan, Bakı, 25 iyun /Trend, müxbir S.Süleymanov/
İyulun 1-2-də Astanada III Astana iqtisadi forumu keçiriləcək. Forum böhran dövründən sonra davamlı iqtisadi artımın təmin edilməsi məsələsinə həsr olunacaq. Bu barədə Trend-ə cümə günü təşkilat komitəsindən bildiriblər.
"İllik iqtisadi forum bu il dünyanın 50 ölkəsinin siyasət və işgüzar aləminin 2 mindən çox nümayəndəsini, aparıcı alimləri, ictimaiyyət və KİV nümayəndələrini biraraya gətirəcək. Bunda məqsəd qlobal iqtisadiyyatın əsas məsələlərini müzakirə etməkdən ibarətdir", - təşkilat komitəsinin məlumatında qeyd olunub.
İkihəftəlik tədbirlər proqramı innovasiya, biznes, sənaye, beynəlxalq ticarət, idxal-ixrac, gömrük birliyi, energetika, ekologiya, beynəlxalq maliyyə və valyuta sistemi, islami maliyyələşdirmə və gənclər məsələlərinə həsr ediləcək.