Аzərbaycan, Bakı, 6 iyul /Trend, müxbir N.İsmayılova/
Azərbaycan Risk Peşəkarları Assosiasiyası (ARPA) ixtisaslaşdırılmış mütəxəssislər üçün risklərin idarə olunması üzrə treninq kurslarını başa çatdırıb. Bu barədə çərşənbə axşamı assosiasiyanın rəhbəri Rüfət Mahmud bildirib.
"Şənbə günü yekun imtahan təşkil olunub ki, bunun nəticəsində də treninq iştirakçıları sertifikatlaşdırılacaq", - Mahmud deyib.
Onun sözlərinə görə, ikiaylıq kursda ölkənin ticari banklarından 75 mütəxəssis, həmçinin sığorta və lizinq şirkətlərinin nümayəndələri iştirak ediblər. Ötən ilin payızında risk-menecment səviyyəsində treninqlərin birinci kursu keçirilib, imtahanlardan uğurla keçən mütəxəssislər ixtisaslaşdırılma səviyyəsində iştirak ediblər.
"Biz ikisəviyyəli treninqlərin sistematik keçirilməsindən ibarət daimi sertifikatlaşdırma proqramını təşkil etməyi planlaşdırırıq", - o bildirib.
Onun sözlərinə görə, risk-menecmentin əsas bazası üzrə növbəti treninq cari ilin payızında təşkil olunacaq.
Risk Peşəkarları Assosiasiyası 2009-cu il mayın ortalarında qeydiyyyatdan keçib və bu gün ARPA-nın institusional inkişafı davam etdirilir. Assosiasiya artıq ölkənin Mərkəzi Bankı və GARP (Global Association of risk Professionals) ilə əməkdaşlığa başlayıb.
