Аzərbaycan, Bakı, 7 iyul /Trend/
Cari ilin may ayında Avropa İttifaqının xətti üzrə tender təşkil olunub və iyunda Danimarkanın vergi idarəsi ilə birgə Azərbaycan Vergilər Nazirliyində elektron-audit sisteminin yaradılması planı üzrə hazırlıq işləri artıq başlayıb, - vergilər naziri Fazil Məmmədov "İzvestiya" qəzetinə verdiyi müsahibəsində deyib.
"Gerçəkləşdirilməsi iki ilə nəzərdə tutulmuş layihəni audit sahəsində dünyəvi lider olan Danimarkanın vergilər idarəsi ilə birlikdə bu ilin 4-cü rübündə başlamağı planlaşdırırıq. Bunlarla yanaşı, bu, xüsusilə böyük təşkilatlar və biznes-strukturlarda aparılan səyyar vergi yoxlamaları üçün vacib olan zaman və əmək ehtiyatları iqtisadiyyatıdır.
Elektron-audit sistemi yalnız böyük vergi ödəyicilərini əhatə edir ki, bunların 98 faizi vergi bəyanatlarını elektron şəkildə təqdim edir. Hal-hazırda ölkədə 800-ə yaxın böyük vergiödəyicisi vardır.
Vergilər Nazirliyi Azərbaycanda proqram təminatının tətbiq edilməsinin (ACL, IDEA, SESAM) qiymətləndirilməsi prosesini aparmağı və "elektron audit" beynəlxalq təcrübəsini öyrənməyi planlaşdırır. Mövcud prosesin gerçəkləşdirilməsi 2012-ci ilə qədər nəzərdə tutulub.
Bir il ərzində iqtisadiyyat sahələrinin bütün növlərinin auditi üzrə məlumat bazasının yaradılması nəzərdə tutulub.
