Azərbaycan, Bakı, 13 iyul /Trend, müxbir İ.Xəlilova/
Dünya Bankı avqustda Azərbaycan hökumətinə ölkə üzrə yeni meneceri rəsmən təqdim etməyə hazırlaşır. Bu barədə çərşənbə axşamı DB-nin Bakı nümayəndəliyindən məlumat verilib.
Bank artıq Azərbaycanda bankın nümayəndəliyinə namizədi müəyyən edib, lakin rəsmi təqdimata qədər konkret adın açıqlanmasından imtina edib.
"Yeni menecerin seçimi hazırkı nümayəndə Qreqori Yedceyçakın avqustda səlahiyyət müddətinin başa çatması ilə əlaqədardır", - nümayəndəlikdən bildiriblər.
Ölkə üzrə menecerin səlahiyyət müddəti 3 il nəzərdə tutulub, lakin o, 4 ilədək uzadıla bilər. Yedceyçak Azərbaycanda DB-nin nümayəndəsi səlahiyyətlərini artıq 4 ildir yerinə yetirir.
