Azərbaycan, Bakı, 22 iyul /Trend, müxbir E.İsmayılov/
İlin sonunadək "Azərbaycan Dəmir Yolları" QSC 30 milyon tona yaxın müxtəlif yüklərin daşınmasını planlaşdırır. Bu barədə cümə axşamı QSC-nin baş mühəndisi Qurban Nəzirov məlumat verib.
Nəzirovun sözlərinə görə, ilin birinci yarısının yekunları üzrə ötən illə müqayisədə dəmir yolu ilə yükdaşımalarının həcmi 18 faiz artıb. Artım, əsasən, neft yüklərinin və quru yüklərin (tikinti matertialları) daxili daşınmaları hesabına baş verib.
Bu ilin altı ayı ərzində daşımaların 80 faizi TRACECA nəqliyyat dəhlizi çərçivəsində daşınan yüklərin payına düşüb. Burada 12 faizlik artım müşahidə olunub.
