Azərbaycan, Bakı, 4 avqust /Trend, müxbir S.Süleymanov/
2010-cu ildə Qazaxıstan taxılının Azərbaycana tədarükü ötən illə müqayisədə iki dəfə artıb. Bu barədə Trend-ə çərşənbə günü Qazaxıstan Kənd Təsərrüfatı Nazirliyindən məlumat veriblər.
"Ötən il Qazaxıstan taxılının Azərbaycana tədarükü 256,6 min ton təşkil etdyi halda, 2010-cu ilin birinci yarısında tədarükün həcmi 547,8 min ton olub", - nazirliyinin mətbuat xidmətindən bildiriblər.
Eyni zamanda, "Prodkorporasiya" milli taxıl şirkətində hesab edirlər ki, Azərbaycan tərəfinin ölkəyə gətirilən taxıla 100 dollar məbləğində tətbiq etdiyi gömrük rüsumu olmasaydı, Qazaxıstan taxılının tədarükünün həcmi daha çox ola bilərdi.
