Azərbaycan, Bakı, 13 avqust /Trend, müxbir N.İsmayılova/
Azərbaycan Əmanətlərin Sığortalanması Fondunun (ADIF) bank üzvlərində fiziki şəxslərin ümumi depozitləri birinci rübün yekunlarına görə 2,483 milyard manat təşkil edib. Bunlardan sığortalanmayan əmanətlərə 818 milyon manat, sığortalanan əmanətlərə isə 1,665 milyard manat aid edilir. Bu barədə cümə günü fondun icraçı-direktoru Azad Cavadov deyib.
"Hesabat dövrünə olan məlumata əsasən, əmanətçilərin ümumi sayı 5,417 milyon nəfər təşkil edib ki, onlardan da sığortalanan əmanətçilərin sayı 5, 277 milyon nəfərə çatıb", - Cavadov bildirib.
Onun sözlərinə görə, hazırda əmanətlərin 97 faizi sığortalanıb, bununla yanaş, yüksək normativ göstərici 80 faizdən yuxarı hesab olunur. 2007-ci ilin müvafiq dövrünə olan məlumata görə, əmanətlərin ümumi həcmi 1,203 milyard manat, əmanətçilərin ümumi sayı isə 1,015 milyon nəfər təşkil edib.
"İkinci rübdə əmanətlərin ümumi həcmi 4 faiz, ötən ilin müvafiq dövrü ilə müqayisədə 33 faiz artıb", - Cavadov qeyd edib.
Onun sözlərinə görə, fondun bank üzvləri tərəfindən birinci rübdə həyata keçirilən təqvim ödənişləri 2,82 milyon manat təşkil edib ki, bunlardan da 41,6 faiz manatın, 50,2 faiz dolların, 8,2 faiz avronun payına düşür.
"2007-ci ildə təqvim valyutalarının bölüşdürülməsi başqa cür olub; 38,9 faiz manatda, 55,2 faiz dollarda, 5,9 faiz avroda olub. Ötən rübün yekunlarına görə, 36 faiz manatda, 55 faiz dollarda, 9 faiz avroda olub ki, bu da manatda kütlə payının artmasını və dollarda azalmasını göstərir", - Cavadov vurğulayıb.
Fondun sığorta ehtiyatları ikinci rübün yekunlarına əsasən 27,3 milyon manat təşkil edib.
"Ötən ildən fondun sığorta ehtiyatlarının həcmi 21 faiz artıb", - o deyib.
2009-cu il yanvarın 1-dən etibarən ADİF-in üzv banklarında yerləşdirilən depozitlər illik faiz dərəcəsində 15 faiz olduğu halda, fond tərəfindən sığortalanmalar və onlar üzrə təzminatların ödənilməsi nəzərdə tutulumur. Hazırda əmanət üzrə sığorta ödənişinin səviyyəsi 30 min manat təşkil edir. Əmanətçilər əmanətlərini sığortalamaq üçün heç bir ödəniş etmirlər, sığorta ödənişləri yalnız bank tərəfindən edilir.
Fond fəaliyyətə 13 avqust 2007-ci il tarixindən başlayıb və hazırda 43 üzvü var.
Avqustun 13-nə rəsmi məzənnə 0,8037 AZN/USD təşkil edir.