Azərbaycan, Bakı, 21 avqust/Trend, müxbir A.Axundov/
Azərbaycan Qiymətləndiricilər Cəmiyyəti (AQC) Beynəlxalq Maliyyə Korporasiyası (İFC), Azərbaycan Dövlət İqtisad Universiteti (ADİU) ilə birlikdə və Beynəlxalq Qiymətləndirmə Mərkəzinin (İVC) təşkilatçılığı ilə daşınmaz əmlakın qiymətləndirilməsi sahəsində ilkin nəzəri-təcrübi biliklərin verilməsi və bu sahədə çalışanların peşə-ixtisas səviyyəsinin artırılması məqsədilə "Daşınmaz əmlak obyektlərinin gəlir yanaşması ilə qiymətləndirilməsi metodologiyası" mövzusunda kurslar təşkil edir. Bu barədə AQC-nin şənbə günü yayılan məlumatında deyilir.
Mühazirə və paraktiki məşğələlər Azərbaycan Dövlət İqtisad Universitetinin təcrübəli müəllimləri tərəfindən aparılacaq.
Kurslarda iştirak etmək arzusunda olanlar avqustun 20-dək Azərbaycan Qiymətləndiricilər Cəmiyyətində qeydiyyatdan keçməlidirlər.
Kurslar avqustun 23-dən 27-dək saat 18:00-dan etibarən keçiriləcək.