Azərbaycan, Bakı, 26 avqust /Trend, müxbir N.İsmayılova/
"Moody's" Beynəlxaql Reytinq Agentliyi hesab edir ki, Azərbaycan banklarının mümkün itkiləri onların yaratdıqları ehtiyatlar sayəsində bərabər şəkildə ödənilib. Bu barədə Trend-in redaksiyasına daxil olan "Moody's Investors Service Ltd"nin ölkələrin iqtisadiyyatının tədqiqatlarında deyilir.
"Moody's"in sınaqları göstərib ki, bankların gözlənilən ümumi itkilərinin həcmi 2010-cu ilin yekunlarına görə 520 milyon manata çata bilər. Bu məbləğ Azərbaycan banklarının artıq yaratdıqları ehtiyatlarla eynidir (2009-cu ilin yekunlarına görə 507 milyon manat).
"Bu o deməkdir ki, biz yeni ehtiyatların əhəmiyyətli dərəcədə artımını gözləmirik", - hesabatda deyilir. - "Yeni ehtiyatların gözlənilən az həcmi bankların gəlirlərinə kömək edəcək; belə ki, problemli kreditlərin çoxu bərabər şəkildə təmin edilib".
Bundan başqa, göstəricilərin rentabelliyi kreditləşmənin artım templərinin gözlənilən güclənməsi ilə dəstəklənəcək ki, bu da bankların balansında yüksəkgəlirli aktivlərin payını artıracaq və komisyon gəlirlərin sabitliyini qoruyacaq. Bu, 2009-cu ildə kreditləşmənin artımının qəfil azalmasından sonra baş verib.
"Moody's" agentliyi hesab edir ki, problemli kreditlərin payı (90 gündən artıq uzadılma və restruktiv) 2010-cu ilin ortalarında verilən ümumi kreditlərin həcminin 15%-17%-nə çatıb və yəqin ki, ilin sonunadək bu səviyyədə qalacaq.
