Özbəkistan yanvar-avqust aylarında polad istehsalını artırıb
Özbəkistan, Daşkənd, 9 sentyabr /Trend, müxbir D.Əzizov/
Rəsmi statistik məlumatlara görə, Özbəkistan 2010-cu ilin yanvar-avqust aylarında polad istehsalını 0,1 faiz artırıb. 2009-cu ilin analoji dövründə bu rəqəm 528,2 min tonadək təşkil edib. Qara metal prokat istehsalı 0,2 faiz - 488,8 min tonadək artıb. Eyni zamanda, sortluq dəmir 0,3 faiz çox - 374,3 min ton buraxılıb.
Bundan əvvəl xəbər verildiyi kimi, 2009-cu ildə Özbəkistanda 716,4 min ton polad istehsal olunub ki, bu da 2008-ci ildə istehsal edilən 687,1 min prokatdan 6,2 faiz (artım 6,9 faiz) çoxdur. Respublikada əsas polad istehsalçıları "Özbəkistan Metallurgiya Kombinatı" Səhmdar İstehsalat Birliyidir (SİB).
"Özbəkistan Metallurgiya Kombinatı" Mərkəzi Asiyada metal qırıntıları ilə işləyən yeganə qara metallurgiya müəssisəsidir. Müəssisə Özbəkistanda bütün poladın 95 faizindən çoxunu və qara metal prokatının 100 faizini istehsal edir. Bundan əvvəl kombinat Mərkəzi Asiya respublikalarından daxil olan metal qırıntılarını emal edirdi, indi idxalın azalması üzündən müəssisə tam gücü ilə işləmir. İdxal olunan qırıntıların bir hissəsi tolling əməliyyatları əsasında emal olunur.
Kombinatın səhmlərinin 71,91 faizi dövlətə, 10 faizi əmək kollektivinə məxsusdur. Səhm paketinin 15,44 faizi Xarici İqtisadi Fəaliyyət (XİF) Milli Bankının, "Promatoinvesttorq" MMC-nin, Nəvai Dağ-Mədən Kombinatı və Almalıq Dağ-Mədən Kombinatının mülkiyyətindədir; onun 2,65 faizinə isə minoritar səhmdarlar sahiblik edir.
