Azərbaycan, Bakı, 14 sentyabr /Trend, müxbir А.Axundov/
Avqustda Azərbaycanda "bir pəncərə" vasitəsilə İsveçrənin "Novartis Pharma Services AG" əczaçılıq şirkətinin nümayəndəliyi qeydiyyatdan keçib. Bu barədə ölkənin Vergilər Nazirliyinin rəsmi saytının "bir pəncərə" bölməsində məlumat verilib.
Onun təsisçisi "Novartis Pharma Services AG" şirkətidir.
Şirkətin nümayəndəsi Azərbaycan vətəndaşı Emil Əhmədov olub. Dövlət qeydiyyatının tarixi 6 avqustdur.
"Novartis" şirkəti 1996-cı ildə iki böyük şirkət - "Ciba-Geigy" və "Sandoz"un birləşdirilməsi nəticəsində yaranıb.
Şirkətdə 140 ölkədən 100 minə yaxın adam çalışır.
Şirkət 2009-cu ilin yekunlarına əsasən 44,267 milyon dollar, 2010-cu ilin ikinci rübünün yekunlarına görə isə 11,716 milyon dollar məbləğində satış həyata keçirib.
"Fortune" jurnalının verdiyi məlumata görə, şirkət son altı il ərzində dünyanın üç ən yaxşı əczaçı şirkətləri sırasına daxildir.