...

Azərbaycan uzaq xaricdən şəkər idxal edir

Biznes və iqtisadiyyat xəbərləri Materials 18 Sentyabr 2010 16:24 (UTC +04:00)

Azərbaycan, Bakı, 18 sentyabr/Trend, müxbir İ.Xəlilova/

2010-cu ilin yanvar-avqust aylarında Azərbaycan xarici ölkələrdən (MDB ölkələri istisna olmaqla) 2,77 milyad dollar məbləğində mal idxal edib ki, bu da ölkə idxalının ümumi həcminin 68,87 faizini təşkil edir. Bu barədə şənbə günü Dövlət Gömrük Komitəsindən (DGK) bildiriblər.

Uzaq xaric ölkələrindən Azərbaycana avadanlıq və mexaniki qurğular (ümumi idxalın 22,96 faizi), quru nəqliyyat vasitələri (9,53 faiz), quru nəqliyyat vasitələri (9,75 faiz), elektrik maşınlar və avadanlıq (8,70 faiz), qara metal məmulatlar (8,67 faiz), şəkər və qənnadı malları (4,06 faiz) gətirilib.

Azərbaycandan uzaq xaric ölkələrinə 12,645 milyard dollar məbləğində mal ixrac edilib (ölkənin ümumi ixracının 90,65 faizi).

Əsasən mineral yanacaq, neft məhsulları, bitum mineralları (ümumi ixracın 98 faizi), qara metal (0,41faiz), təbii və süni mirvari, qiymətli və az qiymətli daş-qaşlar, qiymətli metal, eləcə də qiymətli metalla örtülən adi metallar və onlardan hazırlnan məmulatlar, bijuteriya, sikkələr (0,37 faiz), polimer materialllar və onlardan hazırlanan məmulatlar (0,29 faiz), qənd və qənnadı məhsulları (0,15 faiz) ixrac edilib.

Uzaq xaric ölkələri ilə idxal-ixrac əməliyyatları üzrə 9,875 milyard dollar məbləğində müsbət qalıq toplanıb.

Xəbər lenti

Xəbər lenti