Azərbaycan, Bakı, 18 sentyabr/Trend, müxbir İ.Xəlilova/
2010-cu ilin yanvar-avqust aylarında Azərbaycan MDB ölkələrindən 1,252 milyard dollar məbləğində mal idxal edib ki, bu da ölkənin ümumi idxalının 31,13 faizini təşkil edir. Bu barədə şənbə günü Dövlət Gömrük Komitəsindən bildiriblər.
MDB-dən Azərbaycana taxıl məhsulları (ümumi idxalın 12,3 ), qara metal məmulatları (10,99 faiz), avadanlıq və mexaniki qurğular (10,68 faiz), quru nəqliyyat vasitələri (9,44 faiz) qara metal (7,31 faiz) və başqa məhsullar gətirilib.
Azərbaycan mallarının MDB-yə idxal məbləği 1,304 milyard dollar olub (ümumi ixracın 9,35 faizi).
MDB ölkələrinə əsasən mineral yanacaq, neft məhsulları, bitum mineralları (ümumi ixracın 56,09 faiz), gəmi, qayıq və digər üzən vasitələr (13,39 faiz) heyvan və bitki yağları (10,07 faiz), şəkər və qənnadı məhsulları (5,64 faiz), tərəvəz (2,78 faiz) ixrac edilib.
MDB ölkələri ilə idxal-ixrac əməliyyatları üzrə 51 378,5 milyon dollar məbləğində müsbət saldo yaranıb.
