PremiumBakıda ilkin mənzillər il ərzində təxminən 10 faiz ucuzlaşıb

Аzərbaycan, Bakı, 24 sentyabr /Trend, müxbir А.Axundov/

Avqustda Bakının daşınmaz əmlak bazarında mənzilin bir kvadratmetrinin orta qiyməti 866 manat təşkil edib ki, bu da iyul ayındakı göstərici ilə eynidir. Bu barədə cümə günü "Əmlak Bazarı İştirakçıları" İctimai Birliyindən məlumat veriblər.

"Avqust ayında qiymətlər ikinci rüblə müqayisədə 0,5 faiz, 2010-cu ilin əvvəli ilə müqayisədə 3,5 faiz, ötən ilin analoji dövrü ilə müqayisədə isə 9,4 faiz aşağı düşüb", - İB-dən bildiriblər.

Qiymət göstəricisi 0,4 faiz azalaraq 333 bənd təşkil edib.

İyul ayında cəmi 441 bina inşa edilib ki, bu göstərici ötən ay 440 təşkil edib. Tikinti şirkətlərinin sayı isə ötənaydakı səviyyədə qalıb.

Yeni tikililərin əksəriyyəti Yasamal rayonunda inşa edilib. İkinci və üçüncü yerləri Xətai və Nəsimi rayonları tutur.

Avqust ayı bir sıra vacib dövlət layihələrinin təməlinin qoyulması ilə yadda qalsa da, bu seqment üzrə yaşayış binalarının siyahısına bir bina da daxil olmayıb. Bununla yanaşı, ilkin bazar mövsüm üçün xarakterik olan fəallığı və canlanması ilə də yadda qalıb. Aktivlik əsasən Yasamal, Xətai və Nərimanov rayonlarında müşahidə olunub.

"İlkin bazarda təklif olunan mənzillərin 80 faizi təkrar satışa çıxarılır, ona görə də yeni tikililərin siyahısında azalma müşahidə olunmur", - məlumatda bildirilir.

Aparılan apaşdırmalara görə, indi əsas tələbat sərfəli qiymətləri olan mənzillərdir. Bunlara bir kvadratmetrinin qiyməti 700-800 manat olan Yasamal rayonundakı (Mətbuat prospekti), bir kvadratmetrinin qiyməti 600-700 manat olan Xətai rayonundakı ("Xətai" stansiyasının yanı) və bir kvadratmetrinin qiyməti 900-1000 manat olan Nərimanov rayonundakı mənzillər aiddir.

Əvvəlki aylarda olduğu kimi, tikilməkdə olan binaların sayına görə birinci yerdə Yasamal rayonu (27,4 faiz), ikinci yerdə Xətai rayonu (20,9 faiz), üçüncü yerdə isə Nəsimi rayonu (17,2 faiz) gəlir.

Avqustda cəmi 441 bina satışa çıxarılıb. Əvvəlki aylarda olduğu kimi, inşaat şirkətlərinin sayı 153-dür.

Avqustda yeni tikililərdə əsasən üçotaqlı mənzillərə üstünlük verilib. Beşotaqlı mənzillərə şəhərin birinci zonasında, birotaqlılara isə əsasən üçüncü zonada üstünlük verilib.

"Bir qayda olaraq, yeni tikililərdə tələb əsasən 5-12-ci mərtəbələrdəki mənzillərədir ki, bu da binanın tam satışına və onların satılan binalar siyahısına daxil olmasına mane olur", - İB-dən bildiriblər.

Cədvəldə Bakıda ilkin mənzil bazarı üzrə təkliflərdə dəyişikliklər göstərilib: