Azərbaycan, Bakı, 13 oktyabr /Trend, müxbir N.İsmayılova/
Azərbaycan Vergilər Nazirliyi yanında nazirin birinci müavini Natiq Əmirovun rəhbərliyi ilə yeni tərkibli Vergi Apelyasiya Şurasının birinci iclası keçirilib. Bu barədə Vergilər Nazirliyinin "Vergilər" qəzetində verilən məlumatda deyilir.
Əmirovun sözlərinə görə, vergilər naziri Fazil Məmmədovun fərmanı ilə Şuranın vəziyyəti və yeni tərkibi təsdiq edilib. Onun sözlərinə görə, Şura məhkəməyə qədər vergiödəyicilərin şikayətlərinə baxılmaq məqsədilə yaradılıb. Şuranın yaradılmasında əsas məqsəd vergiödəyicilərin hüquqlarının müdafiəsi, nəzərdə tutulmuş qanunvericilik əsasında vergiödəyicilərin təkrar şikayətlərinə baxmaqdır.
Əmirovun sözlərinə görə, Şuraya daxil olan müraciətlər vergiödəyicilərin yanında baxılacaq və bu müraciətlərə obyektiv baxılması təmin olunacaq.
Vergi Apelyasiya Şurası Azərbaycan Vergilər Nazirliyinin vergiödəyicilərin şikayətləri və ərizələri, həmçinin şikayət və ərizələrdən sonra qəbul olunan qərarlara təkrar şikayətlərlə bağlı vergi orqanlarının qəbul etdiyi məsələləri nəzərdə tutan kollegial orqanıdır.
Apelyasiya Şurası, həmçinin, nazirliyin funksional idarəetmə aparatının yazılı tapşırıqlarının yerli vergi orqanları tərəfindən yerinə yetirilməməsi ilə bağlı müraciətlərə dair məsələlərlə də məşğul olur.
Şura korrupsiya ilə bağlı hüquq pozuntuları haqqında müraciətlərə baxmır.
Vergi Apelyasiya Şurası Nazirlər Kabineti, yerli vergi orqanları və qeyri-hökumət orqanları ilə birgə fəaliyyət göstərir.
