Azərbaycan, Bakı, 15 oktyabr /Trend, müxbir İ.Xəlilova/
2011-ci ildə Azərbaycanın xarici mal dövriyyəsinin artım tempi 3,5 faiz, sonrakı üç il ərzində isə orta hesabla 7,8 faiz təşkil edəcəyi proqnozlaşdırılır. Bu barədə cümə günü iqtisadi inkişaf naziri Şahin Mustafayev deyib.
"Gələn il qeyri-neft ixracının 7 faiz, sonrakı üç ildə isə orta hesabla 16,3 faiz səviyyəsində artımı gözlənilir", - Mustafayev qeyd edib.
Xarici mal dövriyyəsinin saldosu 2011-ci illə müqayisədə 36 faiz artacaq və 2014-cü ildə 19 milyard dollar təşkil edəcək.
"Qeyri-neft ÜDM-nin dinamik artımı qeyri-neft ixracının artmasına da müsbət təsir göstərir, - nazir bildirib. - Gələn il qeyri-neft sektorunda ÜMD artımı 7,2 faiz, 2012-2014-cü illərdə isə orta hesabla ildə 8 faiz təşkil edəcək".
2010-cu ilin yanvar-avqustunda Azərbaycanın qeyri-neft ixracı ötən ilin analoji dövrü ilə müqayisədə 58 faiz artıb.
Bu gün Azərbaycanın xarici mal dövriyyəsinin 40 faizi Avropa İtifaqı ölkələrinin payına düşür və Azərbaycanın Aİ ilə xarici mal dövriyyəsində müsbət saldosu var. Mal ixracında əsasən neft məhsulları üstünlük təşkil edir, lakin Avropa ölkələrinə qeyr-neft məhsullarının tədarükünə də böyük imkanlar var. Hazırda hökumətin əsas vəzifəsi sahibkarlara Aİ-yə mal ixracında güzəştli şərtlərlə köməyin göstərilməsindən və Azərbaycan mallarının ixrac artımı ilə yanaşı, GSP+ preferensiyasından istifadə etməklə qeyri-neft məhsullarının ixracının genişləndirilməsindən ibarətdir.
Azərbaycan Avropa İttifaqının GSP+ proqramına 2009-cu ilin yanvar ayında qoşulub. Bu, ölkəyə iqtisadi imkanlarını genişləndirməyə imkan verən və diversifikasiya strukturu üçün böyük əhəmiyyət kəsb edən Aİ bazarına güzəştli şərtlərlə 7200 növ mal ixrac etməyə şərait yaradır.
