Azərbaycan bankı avtomobil kreditləşdirilməsinin şərtlərini optimallaşdırıb
Azərbaycan, Bakı, 20 noyabr /Trend, müxbir İ.Xəlilova /
Azərbaycan bankı "Bank Standard" avtomobil kreditləşdirilməsinin şərtlərini optimallaşdırıb ki, bunun da nəticəsində minimum ilkin ödənişi 25 faizədək azaldılıb. Bu barədə şənbə günü bankdan məlumat verilib.
Bundan əvvəl avtomobil krediti üzrə minimum ilkin ödəniş 36 aylıq maksimum müddətlə avtomobilin dəyərinin 30 faizindən başlayırdı.
"Yeni şərtlərə görə, avtomobil kreditinin maksimum məbləği 40 min manata qədər təşkil edə bilər, minimum ilkin ödəniş isə avtomobilin dəyərinin 25 faizinədək təşkil edə bilər", - bankdan deyiblər.
"Bank Standard"ın avtomobil kreditləşdirilməsi üzrə faiz dərəcələri əvvəllər olduğu kimi, ilkin ödənişdən asılı olaraq 16 faizdən başlayır.
"Bundan başqa, sığorta məbləği kreditin məbləğinə əlavə olunur və müştəri faktiki olaraq yalnız ilkin ödənişi və kredit komissiyasını ödəyir", - bankdan bildiriblər.
Bankın avtomobil kreditləşdirilməsi proqramı ölkədə rəsmən təqdim olunan bütün avtomobil marka və modellərini əhatə edir. Proqram çərçivəsində yeni avtomobillərlə yanaşı, köhnə maşınları da almaq olar.
"Bank Standard"ın avtomobil kreditləri minimum sənəd paketi və sürətli sənədləşdirməni nəzərdə tutur. "Avtomobil kreditinin sənədləşdirilməsinin sadələşdirilmiş prosesi və minimum sənəd paketi kreditin sürətli rəsmiləşdirilməsini və avtomobilin tez alınmasını təmin edir", - bankdan bildiriblər.
Avtomobilin Dövlət Yol Polisində sənədləşdirilməsilə birgə kreditin verilməsinin maksimum müddəti iki gündən çox çəkmir.
2010-cu il sentyabrın 30-na "Bank Standard"ın avtomobil kreditləşdirilməsi portfelinin ümumi həcmi 20 milyon manatı ötüb.
"Avtomobil kreditləşdirilməsi proqramının optimallaşdırılması qısa müddətdə müsbət nəticəsini verib. Nəticədə 2010-cu il üzrə bankın riteyl-portfelində avtomobil kreditlərinin verilməsi payı 13 faiz, oktyabrın 30-na verilmənin həcmi 2,58 milyon manat təşkil edib", -bankdan bildiriblər.
Noyabrın 20-nə rəsmi məzənnə 0,8 AZN/USD təşkil edir.
