Azərbaycan, Bakı, 7 dekabr /Trend, müxbir Ü.İsmayılova/
Noyabrda əkinçilik və heyvandarlıq məhsullarının istehsal qiymətləri oktyabra nisbətən 1,8 faiz artıb. Bu barədə çərşənbə axşamı Azərbaycan Dövlət Statistika Komitəsindən məlumat verilib.
Əkinçilik məhsulları arasında taxılın qiyməti 8,2 faiz, buğda 0,4 faiz, paxla 0,7 faiz, kələm 7,2 faiz, xiyar 17,4 faiz, kök 1,9 faiz, soğan 0,3 faiz, kartof 0,8 faiz bahalaşıb. Ötən aya nisbətdə qarğıdalı 12,3 faiz, pomidor 0,8 faiz və balqabaq 6,3 faiz ucuzlaşıb.
Həmçinin noyabrda limon 1,6 faiz, mandarin 15,1 faiz, alma 2,5 faiz, armud 8,2 faiz, şabalıd 0,7 faiz, qoz 1,9 faiz bahalaşıb, üzüm 0,9 faiz, xurma 5,2 faiz, nar 3 faiz ucuzlaşıb.
Heyvandarlıq məhsulları arasında dana əti 0,2 faiz, qoyun əti 4,4 faiz bahalaşıb, quş əti 0,3 faiz, toyuq yumurtası 0,5 faiz ucuzlaşıb.
Balıq və balıq məhsullarının istehsal qiyməti noyabrda 1,5 faiz aşağı düşüb.