Azərbaycan, Bakı, 18 dekabr /Trend, müxbir İ.Xəlilova/
Yanvar-noyabr aylarında Azərbaycan MDB ölkələrindən 1,794 milyard dollar məbləğində mal idxal edib ki, bu da ölkənin ümumi idxalının 31,41 faizini təşkil edir. Bu barədə şənbə günü Dövlət Gömrük Komitəsindən bildiriblər.
MDB-dən Azərbaycana dənli bitkilər (ümumi idxalın 14,95 faizi), quru nəqliyyat vasitələri (9,33 faiz), avadanlıq və mexaniki qurğular (11,05 faiz), qara metal (7,05 faiz), qara metal məmulatları (9,54 fazi) və başqa mallar gətirilib.
Azərbaycan mallarının MDB-yə ixrac məbləği 1,815 milyard dollar (ümumi ixracın 9,36 faizi) olub.
MDB ölkələrinə, əsasən mineral yanacaq, neft məhsulları, bitum mineralları (ümumi ixracın 58,81 faizi), gəmi, qayıq və digər üzən vasitələr (9,63 faiz), heyvan və bitki yağları (8,28 faiz), qənd və qənnadı məmulatları (5,97 faiz) və tərəvəz (4,43 faiz) ixrac edilib.
On bir ay ərzində MDB ölkələri ilə idxal-ixrac əməliyyatları üzrə 21,629 milyon dollar məbləğində müsbət saldo yaranıb
