Azərbaycan, Bakı, 28 dekabr /Trend, müxbir Ü.İsmayılova/
Noyabr ayında Bakının ticarət obyektləri bazarında qiymətlər oktyabra nisbətən 1,1 faiz azalıb, ticarət obyektlərinin icarə qiymətləri isə 0,4 faiz ucuzlaşıb. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat verilib.
Noyabrda ticarət obyektləri bazarında təkliflər 3 faiz artıb. Bazar qiymətlərinin azalmasına baxmayaraq, tələbin az olması ekspozisiya müddətinin artmasına gətirib çıxarıb ki, bu da əmlakın bu növünün risk səviyyəsini yüksəldib.
Noyabrda Bakıda qeyri-yaşayış obyektlərinin bir kvadratmetrinin orta qiyməti oktyabr ayındakı 2958 dollara nisbətdə 2925 dollara düşüb. Əvvəlki rüblə müqayisədə qiymətlər 0,4 faiz, 2008-ci ilin analoji dövrü ilə müqayisədə isə 3,1 faiz azalıb.
Aparılan araşdırmalara görə, üçüncü rüblə müqayisədə qiymətlər 0,4 faiz, ötən ilin noyabrı ilə müqayisədə isə 2,2 faiz düşüb.
Bazarda təqdim edilən ticarət obyektlərinin payı orta qiymətdən aşağı olmaqla (bir kvadratmetr üçün 2925 dollar) bazarın 50,4 faizini təşkil edib.
Cədvəl şəhərin zonaları üzrə ticarət obyektlərinin qiymət dəyişikliklərini göstərir:
|
Şəhərin zonaları |
Noyabrda orta qiymət (dollarla) |
Qiymətlərin dəyişməsi (%-lə) |
|
I |
4870 |
-0,2 |
|
II |
3482 |
-0,4 |
|
III |
2153 |
-0,2 |
|
IV |
791 |
-0,5 |