Azərbaycan, Bakı, 29 dekabr /Trend, müxbir N.İsmayılova/
Dekabrın 1-nə manatla depozitlər üzrə orta dərəcə 11,09 faiz təşkil edib. Bu göstərici noyabrın 1-nə 10,98 faiz, 2009-cu il dekabrın 1-nə isə 11,66 faiz təşkil edib. Bu barədə Azərbaycan Mərkəzi Bankından (AMB) çərşənbə günü verilən məlumatda deyilir.
Xarici valyutada depozitlər üzrə orta dərəcə 10,63 faiz olub. Bu göstərici müvafiq olaraq 10,50 faiz və 10,8 faiz təşkil edib.
Dekabrın 1-nə fiziki şəxslərin manatla depozitləri üzrə orta dərəcə 12,05 faiz olub. Bu göstərici noyabrı 1-nə 11,96 faiz, 2009-cu il dekabrın əvvəlinə isə 12,94 faiz təşkil edib. Fərdi müştərilərin xarici valyutada depozitləri üzrə orta dərəcə 12,33 faizə bərabər olub. Bu göstərici müvafiq olaraq 12,16 faiz və 12,41 faiz təşkil edib.
Dekabrın əvvəlinə hüquqi şəxslərin yerli valyutada depozitləri üzrə orta dərəcə 6,40 faiz, noyabrın 1-nə 6,50 faiz və 2009-cu il dekabrın 1-nə isə 6,75 faiz təşkil edib.
Korporativ müştərilərin xarici valyutada depozitləri üzrə orta dərəcə 5,43 faizə bərabər olub. Bu göstərici müvafiq olaraq 5,72 faiz və 5,86 faiz təşkil edib.